ថ្ងៃទី២២ខែកក្កដា នៅក្រុងដាកា លោកស៊ីជីនភីងប្រធានរដ្ឋចិននិងលោកSallប្រធានាធិបតីសេណេហ្គាល់បានរួមគ្នាធ្វើជាអធិបតីក្នុងពិធីប្រគល់និងទទួលគម្រោងទីលានបោកចំបាប់សេណេហ្គាល់។
ក្នុងពិធីមួយនេះ លោកស៊ីជីនភីងបានលើកឡើងថា គម្រោងទីលានបោកចំបាប់គឺជាការឆ្លុះបញ្ចាំងដ៏រស់រវើកនៃចំណងមេត្រីភាពយ៉ាងជ្រាលជ្រៅរវាងប្រជាជនចិននិងសេណេហ្គាល់។ប្រទេសសេណេហ្គាល់គឺជាប្រទេសប្រកបដោយវប្បធម៌ដ៏សំបូរបែប ប្រទេសចិនរីករាយរួមសហការជាមួយប្រទេសសេណេហ្គាល់ ដើម្បីធ្វើការខិតខំប្រឹងប្រែងក្នុងការថែរក្សាការពារនិងបន្តវេនវប្បធម៌ប្រពៃណី ជំរុញការផ្លាស់ប្តូរនិងកិច្ចសហប្រតិបត្តិការរវាងវប្បធម៌នៃប្រទេសទាំងពីរ។ដោយឡែក លោកSallបានថ្លែងថា កីឡាបោកចំបាប់ទទួលបានការពេញនិយមពីប្រជាជនសេណេហ្គាល់ ត្រូវបានប្រសិទ្ធនាមជារតនាសម្បត្តិជាតិ។លោកសូមថ្លែងអំណរគុណយ៉ាងស្មោះចំពោះប្រទេសចិនដែលបានជួយសេណេហ្គាល់សាងសង់ទីលានបោកចំបាប់ដ៏ទំនើបនិងមានមុខងារច្រើនមួយនេះឡើង ហើយទីលានបោកចំបាប់នេះគឺជានិមិត្តសញ្ញាថ្មីនៃចំណងមេត្រីភាពរវាងសេណេហ្គាល់និងចិន។
សូមរំលឹកថា ទីលានបោកចំបាប់សេណេហ្គាល់ជាគម្រោងទ្រង់ទ្រាយធំជាងគេក្រោមជំនួយរបស់ចិននៅប្រទេសសេណេហ្គាល់ ហើយក៏ជាទីលានបោកចំបាប់ទំនើបទី១នៅទ្វីបអាហ្រ្វិកផងដែរ៕
