ថ្ងៃទី ១១ ខែកក្កដា សន្និសីទPanglong សតវត្សទី ២១ លើកទី ៣ និងមហាសន្និបាតសន្តិភាពនៃសហព័ន្ធមីយ៉ាន់ម៉ាបានបើកធ្វើនៅក្រុងណៃពីដោ តំណាងនៃបណ្តាភាគីសរុបជាង ១០០០ រូបបានអញ្ជើញចូលរួមមហាសន្និបាតលើកនេះ ។ លោកស្រីAung San Suu Kyi ទីប្រឹក្សារដ្ឋមីយ៉ាន់ម៉ាបានអំពាវនាវឲ្យភាគីនានាធ្វើការខិតខំប្រឹងប្រែងដើម្បីសម្រេចការផ្សះផ្សាជាតិនិងសន្តិភាព ។
សន្និសីទលើកនេះមានរយៈពេល ៦ ថ្ងៃ តាមការប៉ាន់ប្រមាណ នឹងប្រកាសពីលក្ខន្តិកៈនៃកិច្ចព្រមព្រៀងសហព័ន្ធថ្មី ដែលបានសម្រេចជាឯកច្ឆន្ទនោះ ។
តាំងពីឡើងកាន់អំណាចកាលពីខែមេសា ឆ្នាំ ២០១៦ មក រដ្ឋាភិបាលមីយ៉ាន់ម៉ាដែលដឹកនាំដោយគណបក្សសហព័ន្ធប្រជាធិបតេយ្យទូទាំងប្រទេសមីយ៉ាន់ម៉ាបានខិតខំជំរុញការផ្សះផ្សាជាតិនិងសន្តិភាព ការបើកធ្វើសន្និសីទPanglong សតវត្សទី ២១ គឺជាវិធានការមួយសម្រាប់ជំរុញការសម្រេចសន្តិភាពយូរអង្វែងនៅប្រទេសមីយ៉ាន់ម៉ា ៕
