ថ្ងៃទី ១២ ខែមិថុនា វេទិកាអភិបាលខេត្តនៃតំបន់របៀងសេដ្ឋកិច្ចមហាអនុតំបន់ទន្លេមេគង្គឆ្នាំ២០១៨បានប្រារព្ធធ្វើនៅក្រុងគុនមីង ខេត្តយូណាន ប្រទេសចិន ។ តំណាងមកពីទីក្រុងនិងខេត្តពាក់ព័ន្ធនៃប្រទេសចិន កម្ពុជា ឡាវ មីយ៉ាន់ម៉ានិងថៃ ព្រមនិងអ្នកជំនាញនៃធនាគារអភិវឌ្ឍន៍អាស៊ីបានបង្ហាញវត្តមានក្នុងវេទិកានិងសនិ្នសីទលើកនេះ ។
វេទិកាលើកនេះមានរយៈពេល៤ថ្ងៃធ្វើក្រោមប្រធានបទ “ជំរុញដោយគ្រប់ជ្រុងជ្រោយនូវទំនាក់ទំនងភាពជាដៃគូយូរអង្វែងដែលផ្តោតសំខាន់ទៅលើគម្រោងសហប្រតិបតិ្តការ” ។ អភិបាលខេត្តគ្រប់រូបដែលមានវត្តមានក្នុងសនិ្នសីទបានថ្លែងសុន្ទរកថាគន្លឹះអំពីការបង្កើនកិច្ចសន្ទនាអំពីគោលនយោបាយរវាងរដ្ឋបាលតំបន់ និងបង្កើនកិច្ចសហប្រតិ្តការនៃគម្រោងនៅតាមបណ្តោយរបៀងសេដ្ឋកិច្ច ព្រមទាំងបានធ្វើបទបង្ហាញពីគម្រោងសហប្រតិបត្តិការពាក់ព័ន្ធផងដែរ ៕
