ថ្ងៃទី១២ខែមិថុនា ក្រសួងការបរទេសចិនបានចេញសេចក្តីថ្លែងការណ៍អំពីកិច្ចជំនួបរវាងថ្នាក់ដឹកនាំកូរ៉េខាងជើងនិងអាមេរិក។ សេចក្តីថ្លែងការណ៍បានបង្ហាញថា កិច្ចជំនួបរវាងថ្នាក់ដឹកនាំកូរ៉េខាងជើងនិងអាមេរិកបានប្រារព្ធធ្វើដោយរលូននិងទទួលបានផលវិជ្ជមាន នេះគឺជាការវិវឌ្ឍរីកចម្រើនដ៏សំខាន់នៃការជំរុញឱ្យឧបទ្វីបកូរ៉េគ្មានអាវុធនុយគ្លេអ៊ែរនិងដោះស្រាយបញ្ហាតាមវិធីនយោបាយ។ ប្រទេសចិនសូមកោតសរសើរខ្ពស់ចំពោះការសម្រេចចិត្តខាងនយោបាយរបស់ថ្នាក់ដឹកនាំកូរ៉េខាងជើងនិងអាមេរិក ព្រមនិងសូមសម្តែងការស្វាគមន៍និងការគាំទ្រចំពោះសមិទ្ធផលដែលទទួលបានក្នុងកិច្ចជំនួប ក៏ដូចជាសូមវាយតម្លៃខ្ពស់ចំពោះកិច្ចខិតខំប្រឹងប្រែងរបស់បណ្តាភាគីនានាក្នុងការជំរុញឱ្យកិច្ចជំនួបនេះទទួលបានជោគជ័យ៕
