ពិព័រណ៏ចិន-អាស៊ីខាងត្បូងលើកទី៥ និងពិព័រណ៏ផលិតផលនាំចេញនាំចូលនៃក្រុងគុនមីងប្រទេសចិនលើកទី២៥ នឹងសម្ពោធបើកនៅមជ្ឈមណ្ឌលសន្និសីទនិងពិព័រណ៏អន្តរជាតិ Dian Chi ក្រុងគុនមីងនៅថ្ងៃទី ១៤ ខែមិថុនា ។ ខាងមុខនេះ ក្នុងសនិ្នសីទសារព័ត៌មានកាលពីថ្ងៃទី ១២ ខែមិថុនា លោក Gao Shuxun ប្រធានគណៈកម្មការប្រតិបតិ្តនៃពិព័រណ៏ចិន-អាស៊ីខាងត្បូងលើកនេះបានឧទ្ទេសនាមឲ្យដឹងថា ការងារត្រៀមគ្រប់ផ្នែកបានធ្វើចប់សព្វគ្រប់ហើយ ។
សូមបញ្ជាក់ថា ក្នុងអំឡុងពេលពិព័រណ៏ចិន-អាស៊ីខាងត្បូងលើកនេះ នឹងប្រារព្ធធ្វើវេទិកាសហប្រតិបតិ្តការរវាងចិននិងអាស៊ីខាងត្បូងលើកដំបូង ក្រោមប្រធានបទ “បង្កើនកិច្ចសហប្រតិបតិ្តការក្នុងតំបន់អាស៊ីខាងត្បូង ជំរុញការអភិវឌ្ឍប្រកបដោយបរិយាប័ន្នក្នុងតំបន់ ” ព្រមនឹងធ្វើការពិគ្រោះពិភាក្សានិងផ្លាស់ប្តូរមតិយោបល់ជាសំខាន់អំពីការវិនិយោគ ពាណិជ្ជកម្ម ការតភ្ជាប់គ្នា ការកាត់បន្ថយភាពក្រីក្រ ការអភិវឌ្ឍទីក្រុង និងកិច្ចសហប្រតិបតិ្តការខាងហិរញ្ញវត្ថុជាដើម ៕
