របាយការណ៍ការងាររដ្ឋាភិបាល
ដែលលោក វឹន ជា ប៉ាវ នាយកក្រុមប្រឹក្សាកិច្ចការរដ្ឋចិនបានថ្លែងក្នុង
កិច្ចប្រជុំលើកទីមួយនៃមហាសន្និបាតសភាតំណាងប្រជាជនទូទាំងប្រទេសចិន
អាណត្តិទី ១២ នៅថ្ងៃទី ៥ ខែមីនា ឆ្នាំ ២០១៣
តំណាងគ្រប់រូប៖
ឥឡូវ ខ្ញុំសូមតាំងនាមក្រុមប្រឹក្សាកិច្ចការរដ្ឋ ធ្វើរបាយការណ៍ការងារនៃរដ្ឋាភិបាលក្នុង ៥ ឆ្នាំ កន្លងទៅ ចំពោះមហាសន្និបាត ហើយលើកសំណើចំពោះការងារ ឆ្នាំនេះផងសូមតំណាំងគ្រប់រូបពិនិត្យពិភាក្សា ព្រមទាំងសូមសមាជិកសភាប្រឹក្សា នយោបាយប្រជាជនទូទាំងប្រទេសលើកយោបល់ ។
ក. រំលឹកការងារក្នុងអំឡុងពេល ៥ ឆ្នាំកន្លងទៅ
ក្នុងរយៈពេល ៥ ឆ្នាំ តាំងពីកិច្ចប្រជុំលើកទីមួយនៃមហាសន្និបាតសភាតំណាងប្រជាជនទូទាំងប្រទេសអាណត្តិទី ១១ រៀងមក ជារយៈពេល ៥ ឆ្នាំដែលមិនធម្មតាណាស់ក្នុងដំណើរអភិវឌ្ឍន៍ប្រទេសយើង ។ យើងបានទប់ទល់ដោយមានប្រសិទ្ធភាពចំពោះការរំខាន់យ៉ាងធ្ងន់ធ្ងរពីវិបត្តិហិរញ្ញវត្ថុអន្តរជាតិ រក្សាសេដ្ឋកិច្ចវិវឌ្ឍន៍ទៅមុខដោយនឹងនរនិងឆាប់បង្គួរ តម្លៃផលិតផលក្នុងស្រុកសរុបបានកើនឡើងពី ២៦ លាន ៦ សែនលានយាន់ប្រាក់ចិន ដល់ ៥១ លាន ៩សែនលានយាន់ប្រាក់ចិន បានកាន់លំដាប់ថ្នាក់ទីពីរលើពិភពលោក ចំណួលហិរញ្ញវត្ថុសាធារណៈបានកើនពី ៥ លាន ១ សែនលានយាន់ ដល់ ១១ លាន ៧ សែនលានយាន់ កំណើនថ្មីនៃឱកាសធ្វើការងារក្នុងទីក្រុងនិងផ្សារឃុំ មានចំនួនដល់ទៅ ៥៨ លាន ៧សែននាក់ ក្នុងមួយឆ្នាំៗជាមធ្យមចំណូលដែលប្រជាជនទីក្រុងនិងជនបទអាចចាត់ចែងបានជាមធ្យមបានកើនឡើង ៨,៨% និងចំណូលសុទ្ធរបស់ប្រជាជនជនបទជាមធ្យមបានកើនឡើង ៩,៩% , បរិមាណផលិតស្បៀងអាហារបានសម្រេច "កើនឡើង ៩ ឆ្នាំជាប់" , កំណែទម្រង់ក្នុងវិស័យសំខាន់ៗទទួលបានការវិវឌ្ឍន៍ថ្មីសេដ្ឋកិច្ចធុនបើកចំហបានឡើងដល់កម្រិតថ្មី ការកសាងប្រទេសជាតិធុនច្នៃប្រឌិតថ្មីទទួលបានសមិទ្ធផលថ្មី អវកាសចរណ៍ដឹកមនុស្ស វិស្វាកម្មរុករកភពព្រះច័ន្ទ នាវាមុជទឹកជ្រៅដែលដឹកមនុស្ស ប្រព័ន្ធតារាវិទ្យាសាស្ត្រណែនាំBeidou មហាកុំព្យុទ័រ និងផ្លូវដែកល្បឿនលឿនជាដើម បានសម្រេចការវាយទម្លុះធំសំខាន់ នាវាផ្ទុកយន្តហោះគ្រឿងទីមួយសញ្ញា "Liaoning" បានចាប់ប្រើ, ធ្វើការប្រកួតកីឡាអូឡាំពិក និងការប្រកួតកីឡាអូឡាំពិកជនពិការប៉េកាំង និងពិព័រណ៍ពិភពលោកសៀងហៃដោយជោគជ័យ, ដណ្តើមបានជ័យជំនះធំសំខាន់ក្នុងការទប់ទល់នឹងគ្រោះមហន្តរាយធម្មជាតិយ៉ាងធ្ងន់ធ្ងរ ដូចជា រញ្ជួយដីធំពិសេសនៅស្រុកWenchuan រញ្ជួយដីធំខ្លាំងនៅ Yushu និងដីដែលត្រូវទឹកហូរច្រោះតាមភ្នំធំពិសេសនៅZhouqu ជាដើម និងការកសាងឡើងវិញក្រោយពីគ្រោះមហន្តរាយ ។ កម្លាំងផលិតផលក្នុងសង្គមនិងកម្លាំងជាតិចម្រុះនៃប្រទេសយើងបានត្រូវលើកកម្ពស់យ៉ាងច្បាស់លាស់ កម្រិតជីវភាពរស់នៅរបស់ប្រជាជននិងកម្រិតសង្គមធានាបានត្រូវលើកកម្ពស់ឡើងយ៉ាងច្បាស់លាស់ ឋានៈលើផ្ទៃអន្តរជាតិ និងកម្លាំងឥទ្ធិពលអន្តរជាតិបានលើកកម្ពស់យ៉ាងច្បាស់លាស់។ យើងបានសម្រេចផែនការ"៥ឆ្នាំទី១១" ដោយគាប់ប្រសើរ និងអនុវត្តផែនការ "៥ឆ្នាំទី១២" យ៉ាងស្រួល។កិច្ចកសាងសេដ្ឋកិច្ចសង្គមនិយម កិច្ចកសាងនយោបាយ កិច្ចកសាងវប្បធ៌ម កិច្ចកសាងសង្គម និងកិច្ចកសាងអារ្យធម៌បរិស្ថានទទួលបានការវិវឌ្ឍន៍ធំសំខាន់ បានកត់ត្រាក្នុងទំព័រថ្មីនៃបុព្វហេតុសង្គមនិយមដែលមានលក្ខណៈពិសេសនៃប្រទេសចិន ។
ការងារសំខាន់និងចំណុចពិសេសក្នុងរយៈពេល ៥ ឆ្នាំកន្លងមក៖
ទីមួយគឺទប់ទល់ដោយមានប្រសិទ្ធភាពជាមួយនឹងវិបត្តិហិរញ្ញវត្ថុអន្តរជាតិ ជម្រុញឲ្យសេដ្ឋកិច្ចវិវឌ្ឍន៍ទៅមុខដោយនឹងនរនិងឆាប់បង្គួរ ។ ក្នុងរយៈពេល ៥ ឆ្នាំកន្លងទៅ យើងបានដើរចេញពីការទប់ទល់ ជាបន្តបន្ទាប់ក្នុងការរំខាន់យ៉ាងធ្ងន់ធ្ងរពីវិបត្តិហិរញ្ញវត្ថុអន្តរជាតិ។ យើងទប់ទល់យ៉ាងនឹងធឹង បានកែសម្រួលដោយទាន់ពេលវេលានិងដាច់ខាតនូវចំណុចសំខាន់នៃការគ្រប់គ្រងម៉ាក្រូ បានប្រកាសវិធានការ ១០ ខ ដើម្បីពង្រីកធំតម្រូវការក្នុងប្រទេស ជម្រុញឲ្យសេដ្ឋកិច្ចកើនឡើងដោយនឹងនរនិងឆាប់បង្គួរថែមមួយកម្រិតទៀត ។ ក្នុងរយៈពេល២ឆ្នាំ បានបន្ថែមថ្មីការវិនិយោគចំនួន ៤ លានលានយាន់ ក្នុងនោះ ហិរញ្ញវត្ថុមជ្ឈិមបានវិនិយោគទុនចំនួន ១ លាន ២ែសន៦ម៉ឺនលានយាន់ សំខាន់សម្រាប់ប្រើទៅខាងកិច្ចកសាងក្នុងវិស័យសំណង់ស្នាក់នៅដែលមានលក្ខណៈធានា វិស្វកម្មជីវភាពប្រជាជនជនបទ ហេដ្ឋារចនាសម្ព័ន្ធ កិច្ចការសង្គម ការការពារបរិស្ថាននិងការច្នៃប្រឌិតបង្កើតថ្មីដោយម្ចាស់ការជាដើម និងការកសាងឡើងវិញបន្ទាប់ពីគ្រោះមហន្តរាយ។
ជានិច្ចកាលយើងយកចិត្តទុកដាក់ការដោះស្រាយការទាក់ទងរវាងការរក្សាឲ្យសេដ្ឋកិច្ចវិវឌ្ឍន៍ទៅមុខដោយនឹងនរនិងឆាប់បង្គួរ ការកែសម្រួលរចនាសម្ព័ន្ធសេដ្ឋកិច្ច និងការគ្រប់គ្រងរយៈពេលព្យាករណ៍អតិផរណ បង្កើនលក្ខណៈទស្សនៈវិស័យ លក្ខណៈវិទ្យាសាស្ត្រ និងលក្ខណៈមានប្រសិទ្ធភាពនៃគោលនយោបាយម៉ាក្រូ យកចិត្តទុកដាក់ដល់ការក្តាប់ជាប់ទិសដៅ កំរិត និង ចំណុចសំខាន់នៃគោលនយោបាយឲ្យបានល្អ។ ឆ្នាំ២០១២ ក្នុងសភាពការណ៍ដែលតួអង្គសេដ្ឋកិច្ចធំនានាលើពិភពលោកបង្អង់ល្បឿនទាំងស្រុងនិងគ្រោះថ្នាក់គ្រប់បែបយ៉ាងបានលាតត្រដាងឥតឈប់ឈរ សម្រេចគោលដៅសំខាន់ ដែលបានកំណត់នៅដើមឆ្នាំនេះទាំងស្រុង តម្លៃផលិតផលក្នុងស្រុកសរុបបានកើនឡើង ៧,៨% ឱកាសធ្វើការដែលបន្ថែមថ្មីក្នុងទីក្រុងនិងផ្សារឃុំមាន ១២ លាន ៦ សែន ៦ ម៉ឺននាក់ កម្រិតឡើងថ្លៃនៃតម្លៃចំណាយរបស់ប្រជាជនបានធ្លាក់ចុះមកនៅត្រឹម ២,៦% បានតាំងមូលដ្ឋានដ៏ល្អសម្រាប់ការអភិវឌ្ឍន៍សេដ្ឋកិច្ចក្នុងឆ្នាំនេះ ។
ក្នុងរយៈពេល ៥ ឆ្នាំនេះ ជាទូទៅសេដ្ឋកិច្ចម៉ាក្រូរបស់ប្រទេសយើងបានរក្សាល្បឿនកើនឡើងដោយនឹងនរនិងឆាប់បង្គួរ តម្លៃទំនិញមានភាពនឹងនរបង្គួរ ឱកាសធ្វើការបានកើនឡើងជាបន្តបន្ទាប់ ចំណូលនិងចំណាយអន្តរជាតិមាននិន្នាការល្អប្រសើរដែលមានតុល្យភាព តម្លៃផលិតផលក្នុងស្រុកសរុបក្នុងមួយឆ្នាំៗជាមធ្យមបានកើនឡើង ៩,៣% លឿនជាងល្បឿនកំណើននៃតួអង្គសេដ្ឋកិច្ចដែលរីកចម្រើនថ្មីនិងទូទាំងពិភពលោកក្នុងរយៈពេលដំណាលគ្នា ។ អត្រាអតិផរណទាបជាងតួអង្គសេដ្ឋកិច្ចដែលរីកចម្រើនថ្មីផ្សេងទៀត។ សេដ្ឋកិច្ចរបស់ប្រទេសយើងមានភាពនឹងនរនិងពោរពេញទៅដោយកម្លាំងក្លៀវក្លា។
ទីពីរគឺបង្កើនល្បឿនកែសម្រួលរចនាសម្ព័ន្ធសេដ្ឋកិច្ច លើកកម្ពស់គុណភាពនិងប្រសិទ្ធផលនៃការអភិវឌ្ឍន៍សេដ្ឋកិច្ច ។ ប្រកាន់ខ្ជាប់ការអនុវត្តការពង្រីកយុ ទ្ធសាស្ត្រតម្រូវការក្នុងប្រទេស ការរួមវិភាគទាននៃតម្រូវការក្នុងប្រទេសចំពោះកំណើនសេដ្ឋកិច្ចបានលើកកម្ពស់យ៉ាងច្បាស់លាស់ ឃនៈភាពដែលចំណូលច្រើនជាងចំណាយនៃកម្មវិធីទូទៅត្រូវជាតម្លៃផលិតផលក្នុងស្រុកសរុបបានថយចុះពី ១០,១%មកនៅត្រឹម ២,៦% ។
ទីបីគឺធ្វើការងារ "កសិកម្ម ជនបទ និងកសិករ"យ៉ាងម៉ឹងម៉ាត់មិនងាករេ ពង្រឹងនិងបង្កើនឋានៈមូលដ្ឋាននៃកសិកម្ម ។ យើងប្រកាន់ខ្ជាប់ការជម្រុញទំនើបភាវូបនីយកម្មកសិកម្មក្នុងដំណើរដំណាលគ្នានឹងក្នុងការអភិវឌ្ឍន៍យ៉ាងជ្រាលជ្រៅនូវឧស្សាហូបនីយកម្ម ព័ត៌មានភាវូបនីយកម្ម នគរូបនីយកម្ម ប្រមូលផ្តុំកម្លាំងធ្វើការងារធំខ្លះដែលទាក់ទឹនដល់ការអភិវឌ្ឍន៍កសិកម្មនិងជនបទយូរអង្វែង ទាក់ទឹនដល់ផលប្រយោជន៍ផ្ទាល់ខ្លួនរបស់កសិករ ។ បង្កើនការវិនិយោគទុនខាងហិរញ្ញវត្ថុ រួមទាំងអស់ការចំណាយហិរញ្ញវត្ថុមជ្ឈិមទៅក្នុង"កសិកម្ម ជនបទ និងកសិករ"មានចំនួន ៤ លាន ៤ សែន ៧ ម៉ឺនលានយាន់ប្រាក់ចិន ជាមធ្យមក្នុងមួយឆ្នាំៗបានកើនឡើង ២៣,៥% ។
ទីបួនគឺប្រកាន់ខ្ជាប់ការអនុវត្តយុទ្ធសាស្ត្រស្តីពីធ្វើឲ្យប្រទេសរីកចម្រើនថ្កុំថ្កើងដោយវិទ្យាសាស្ត្រនិងការអប់រំ បង្កើនសមត្ថភាពទ្រទ្រង់ស្នូលនៃការអភិវឌ្ឍន៍សេដ្ឋកិច្ចនិងសង្គម ។
អភិវឌ្ឍន៍កិច្ចការអប់រំជាអទិភាព ។ ការចំណាយសោហ៊ុយអប់រំដែលមានលក្ខណៈហិរញ្ញវត្ថុជាតិក្នុងរយៈពេល ៥ ឆ្នាំ រួមទាំងអស់មានចំនួន ៧ លាន ៧ សែន ៩ម៉ឺនលានយាន់ប្រាក់ចិន ជាមធ្យមក្នុងមួយឆ្នាំៗបានកើនឡើង ២១.៥៨% សមាមាត្រឆ្នាំ ២០១២ត្រូវជាតម្លៃផលិតផលក្នុងស្រុកសរុបមានដល់ទៅ ៤%។ធនធានអប់រំសំខាន់បានលំអៀងទៅកាន់ជនបទ តំបន់ឆ្ងាយដាច់ស្រយាល តំបន់ជនជាតិភាគតិច តំបន់ក្រីក្រ សមភាពនៃការអប់រំទទួលបានការចម្រើនយ៉ាងច្បាស់លាស់ ។
ខំប្រឹងជម្រុញការច្នៃប្រឌិតថ្មីដោយម្ចាស់ការ ។ រួមទាំងអស់ ការវិនិយោគហិរញ្ញវត្ថុមជ្ឈិមដែលប្រើទៅខាងវិទ្យាសាស្ត្រនិងបច្ចេកវិទ្យា ក្នុងរយៈពេល៥ឆ្នាំ មានចំនួន ៨សែន ៧ ម៉ឺន ២ ពាន់ ៩ លានយាន់ប្រាក់ចិន ជាមធ្យម ក្នុងមួយឆ្នាំៗបានកើនឡើងលើសពី ១៨ % ។
អនុវត្តយុទ្ធសាស្ត្រធ្វើឲ្យប្រទេសជាតិខ្លាំងពូកែខាងធនធានមនុស្សយ៉ាងជ្រាលជ្រៅ។ ចាត់ទុកធនធានមនុស្សស្រទាប់ខ្ពស់និងមានបច្ចេកទេសខ្ពស់ជាចំណុចសំខាន់ បង្កើនកិច្ចកសាងក្បួនធនធានមនុស្សគ្រប់ប្រភេទ ធនធានមនុស្សខាងបច្ចេកទេសឯកទេសបានកើនឡើង ៨ លាន ៦ សែននាក់ ធនធានមនុស្សដែលមានបច្េចកទេសខ្ពស់បានកើនឡើង ៨ លាន ៨សែននាក់ បុគ្គលិកទៅបន្តវិជ្ជានៅបរទេសដែលវិលត្រឡប់មកប្រទេសវិញមានចំនួនដល់ទៅ ៥ សែន ៤ ម៉ឺននាក់ ។
ខំប្រឹងបង្កើនកិច្ចកសាងវប្បធ៌ម ។ ប្រព័ន្ធបណ្តាញបរិក្ខារវប្បធ៌មសាធារណៈ ដែលគ្រប់ដណ្តប់ទីក្រុងនិងជនបទបានបង្កើតឡើងជាបឋម បានសម្រេចការបើកចំហសារមន្ទីរ បណ្ណាល័យ ស្ថានីយវប្បធម៌ដោយឥតគិតថ្លៃទាំងស្រុង ។
ទីប្រាំគឺប្រកាន់ខ្ជាប់ការចាត់ទុកផលប្រយោជន៍របស់ប្រជាជនក្នុងលំដាប់ថ្នាក់ទីមួយ ខំប្រឹងធានានឹងកែលំអជីវភាពប្រជាជន ។ យើងចាត់ទុកឱកាសមានការងារធ្វើជារឿងធំបំផុតដែលធានានិងកែលំអជីវភាពប្រជាជន ។ បានអនុវត្តគោលនយោបាយមានការងារធ្វើយ៉ាងសកម្មរ។រក្សាស្ថានភាពមានការងារធ្វើដោយនឹងនរជាទូទៅ។ ជម្រុញកិច្ចកសាងប្រព័ន្ធសង្គមធានាទាំងស្រុង បង្កើតរបបធានារ៉ាបរងចញ្ចឹមអ្នកចាស់ទុំក្នុងសង្គមជនបទធុនថ្មី និងរបបធានារ៉ាប់រ៉ងចញ្ចឹមអ្នកចាស់ទុំក្នុងសង្គមប្រជាជនទីក្រុងនិងផ្សារឃុំ ការធានារ៉ាប់រងចញ្ចឹមអ្នកចាស់ទុំមូលដ្ឋានដែលជាប្រជាជនទីក្រុងនិងជនបទបានសម្រេចការមានរបបទាំងស្រុង ។ ធ្វើការកែទម្រង់ប្រព័ន្ធសុខាភិបាល ឱសថ និងអនាម័យដោយស៊ីជម្រៅ បង្កើតរបបព្យាបាលរោគសហការជនបទធុនថ្មី និងរបបធានារ៉ាបរ៉ងព្យាបាលរោគមូលដ្ឋានរបស់ប្រជាជនទីក្រុងនិងផ្សារឃុំ ប្រព័ន្ធធានារ៉ាបរងខាងព្យាបាលរោគមូលដ្ឋានរបស់ប្រជាជនទាំងមូលបានកកើតឡើងជាបឋម ។ ការបង្កើតនិងធ្វើឲ្យរបបផ្ទះស្នាក់នៅដែលមានលក្ខណៈធានានៅទីក្រុងនិងផ្សារឃុំកាន់តែល្អប្រសើរ បានពង្រីកធំជាបណ្តើៗ មកទល់ដំណាច់ឆ្នាំ ២០១២ មានដល់ទៅ ១២.៥% ។
ទីប្រាំមួយគឺធ្វើការកែទម្រងក្នុងវិស័យសំខាន់ដោយស៊ីជម្រៅ បង្កើនកម្លាំងក្លៀវក្លានៃការអភិវឌ្ឍន៍សេដ្ឋកិច្ចនិងសង្គម ។ ក្នុងវិស័យខ្លះទទួលបានការវិវឌ្ឍន៍ធំសំខាន់ ។
ទីប្រាំពីរគឺពង្រីកការបើកចំហចំពោះក្រៅប្រទេសយ៉ាងម៉ឹងម៉ាត់មិនងាករេ លើកដម្កើងកំរិតសេដ្ឋកិច្ចធុនបើកចំហទាំងស្រុង។ ទឹកប្រាក់សរុបនាំចេញនាំចូលក្នុងមួយឆ្នាំៗ ជមធ្យមបានកើនឡើង ១២.២% បានលើកដំកើងពីលំដាប់ថ្នាក់ទី៣ដល់លំដាប់ថ្នាក់ទី២លើពិភពលោក ក្នុងនោះ ទឹកប្រាក់នាំចេញបានកាន់លំដាប់ថ្នាក់ទី១លើពិភពលោក ក្នុងរយៈពេល៥ឆ្នាំ រួមទាំងអស់ ការឆ្លៀតប្រើទុនបរទេសជាក់ស្តែង មានចំនួន ៥សែន ៥ម៉ឺន ២ ពាន់៨ រយលានដុល្លាអាមេរិក រចនាសម្ព័ន្ធនិងការរៀបំនៃការឆ្លៀតប្រើទុនបរទេសមានភាពល្អឡើងយ៉ាងច្បាស់លាស់ គុណភាពនិងកំរិតបានលើកដំកើងឡើងយ៉ាងច្បាស់លាស់។ លើកទឹកចិត្តដល់សហគ្រាសគ្រប់ប្រភេទធ្វើការវិនិយោគចំពោះក្រៅប្រទេសនិងធ្វើអាជីវកម្មក្នុងប្រទេស ការវិនិយោគទុនផ្ទាល់ក្រៅប្រភេទហិរញ្ញវត្ថុចំពោះក្រៅប្រទេស បានកើនឡើងពី ២ ម៉ឺន ៤ ពាន់ ៨ រយលានដុល្លាអាមេរិកនៅឆ្នាំ២០០៧ ដល់ ៧ ម៉ឺន ៧ ពាន់ ២ រយលានដុល្លាអាមេរិកនាឆ្នាំ២០១២ ក្នុងមួយឆ្នាំៗជាមធ្យមបានកើនឡើង២៥.៥% បានចូលជួរមហាប្រទេសវិនិយោគទុនចំពោះក្រៅប្រទេស។ ការបើកចំហចំពោះក្រៅប្រទេសបានជំរុញយ៉ាងខ្លាំងដល់ការធ្វើឲ្យការអភិវឌ្ឍន៍និងរចនាសម្ព័ន្ធសេដ្ឋកិច្ចរបស់ប្រទេសយើងកាន់តែល្អប្រសើរ បានក្រេបយកបច្ចេកទេសនិងបទពិសោធគ្រប់គ្រងដ៏ជឿនលឿន បានបន្ថមឧកាសមានការងារធ្វើនិងចំណូលរបស់កម្មករភ្នាក់ងារ ហើយក៏បានរួមវិភាគទានសំខាន់ក្នុងការជំរុញឲ្យសេដ្ឋកិច្ចពិភពលោកងើបឡើងវិញ។
ទីប្រាំបីគឺបង្កើនកិច្ចកសាងខ្លួននៃរដ្ឋាភិបាលយ៉ាងប្រាកដប្រជា ធ្វើកំណែទម្រង់ប្រព័ន្ធរដ្ឋបាលឲ្យស៊ីជម្រៅថែមមួយកំរិតទៀត។ ជំរុញកំណែទម្រង់អង្គភាពរដ្ឋបាល បង្កើតក្របខ័ណ្ឌប្រព័ន្ធស្ថាបនធំដែលឯកភាពមុខងារជាបឋម។ យើងបានចាត់ទុកការអនុវត្តការសម្រេចប្រជាធិបតេយ្យតាមវិទ្យាសាស្រ្ត អភិបាលរដ្ឋបាលតាមច្បាប់ ជំរុញការបើកចំហកិច្ចការរដ្ឋបាល ធ្វើឲ្យរបបត្រួតពិនិត្យល្អពេញលេញ បង្កើនកិច្ចកសាងរដ្ឋាភិបាលស្អាតស្អំ ជាលក្ខការណ៍មូលដ្ឋាននៃការងាររដ្ឋាភិបាល។ បានចាត់វិធានការថ្មីជាច្រើន ក្នុងវិស័យបទដ្ឋានកិច្ចដំណើរការអំណាចរដ្ឋបាល កិច្ចកសាងរដ្ឋាភិបាលសេវា រដ្ឋាភិបាមានកាតព្វកិច្ច រដ្ឋាភិបាលអភិបាលតាមច្បាប់ និងរដ្ឋាភិបាលស្អាតស្អំ។
តំណាងគ្រប់រូប!
ក្នុងរយៈពេល ៥ ឆ្នាំកន្លងមក យើងបានអនុវត្តច្បាប់ស្វយ័តភាពជនជាតិភាគតិច អនុវត្តច្បាប់គោលនយោបាយជឿសាសនាទាំងស្រុង អនុវត្តគោលនយោបាយកិច្ចការអណិកជនចិនយ៉ាងផ្ចត់ផ្ចង់ កិច្ចការពារជាតិនិងកិច្ចកាងកងទ័ពក៏ត្រួសត្រាយសភាពការណ៍ថ្មី ការងារតំបន់ហុងកុង ម៉ាកាវ និងតៃវ៉ានបានបង្កើនឡើងថែមមួយជំហានទៀត ។
កិច្ចការទូតគ្រប់ជ្រុងជ្រោយទទួលបានការវិវឌ្ឍន៍ធំសំខាន់ថ្មី។ យើងខ្នះខ្នែងជំរុញទំនាក់ទំនងជាមួយបណ្តាមហាប្រទេស បង្កើនទំនាក់ទំនងសហការដែលផ្តល់ផលប្រយោជន៍គ្នាជាមួយប្រទេសនៅជុំវិញនិងជាប់ជិតខាង កសាងតំបន់ពាណិជ្ជកម្មសេរីចិននិងអាស៊ានយ៉ាងស្រួល ជំរុញឲ្យយន្តការសហការតំបន់មានអង្គការសហប្រតិបត្តិការសៀងហៃជាដើមវិវឌ្ឍន៍រីកចម្រើន ធ្វើឲ្យកិច្ចសហការប្រពៃណីជាមួយប្រទេសកំពុងអភិវឌ្ឍន៍ដ៏ច្រើនកុះករកាន់តែស៊ីជម្រៅ ខ្នះខ្នែងចូលរួមកិច្ចសហប្រតិបតិ្តការអន្តរជាតិអំពីបញ្ហាទូទាំងពិភពលោក ដូចជាការទប់ទល់វិបត្តិហិរញ្ញវត្ថុអន្តរជាតិ និងអាកាសធាតុប្រែប្រួលជាដើម ជំរុញការដោះស្រាយបញ្ហាចំណុចកក់អន្តរជាតិនិងតំបន់ បង្កើតបរិវេណអន្តរជាតិដ៏អនុគ្រោះសម្រាប់កំណែទំរង់ ការអភិវឌ្ឍន៍និងស្ថិរភាពរបស់ប្រទេសយើង រួមវិភាគទានសំខាន់ដល់សន្តិភាពនិ ស្ថេរភាព វឌ្ឍនភាពនិងភាពចម្រុងចម្រើនលើពិភពលោក។
តំណាងគ្រប់រូប!
សមទ្ធផលដែលទទួលបានក្នុងរយៈពេល៥ឆ្នាំកន្លងទៅ គឺបានមកដោយមិនងាយទេ។ នេះជាលទ្ធផលនៃការកាន់កាប់ទាំងស្រុងដឹកនាំដ៏ត្រឹមត្រូវរបស់មជ្ឈិមបក្ស ជាលទ្ធផលដែលបក្សទាំងមូលនិងប្រជាជនទូទាំងប្រទេសសហការដោយចិត្តមួយថ្លើមមួយដែលតស៊ូប្រយុទ្ធយ៉ាងលំបាកលំបិន។ ខ្ញុំសូមតាំងមានក្រុមប្រឹក្សាកិច្ចការរដ្ឋ ថ្លែងអំណរគុណយ៉ាងស្មោះចំពោះប្រជាជនគ្រប់ជនជាតិទូទាំងប្រទេស ចំពោះគណៈបក្សប្រជាធិបតេយ្យនានា អង្គភាពប្រជាជននានានិងឥស្សារជនគ្រប់មជ្ឈដ្ឋានផ្សេងទៀត ថ្លែងអំណរគុណយ៉ាងស្មោះចំពោះរដ្ឋាភិបាលបណ្តាប្រទេស អង្គការអន្តរជាតិ និងមិត្តបណ្តាប្រទេសដែលយកចិត្តទុកដាក់និងគ្រាំទ្រកិច្ចកសាងទំនើបភាវូបនីយកម្មប្រទេសចិន!
យើងបានយល់ឃើញដោយដឹងខ្លួនថា ក្នុងការអភិវឌ្ឍន៍សេដ្ឋកិច្ចនិងសង្គមនៅតែស្ថិតមានទំនាស់និងបញ្ហាមិនតិចទេ។ សំខាន់គឺ៖ បញ្ហាគ្មានតុល្យាភាព មិនសម្របសម្រួល គ្មាននិរន្តរភាពក្នុងក្នុងការអភិវឌ្ឍន៍នៅតែលេចធ្លោដដែល , ទំនាស់រវាងសម្ពាធកំណើនសេដ្ឋកិច្ចថយចុះនិងសមត្ថភាពបង្កើតផលច្រើនពេកមានភាពខ្លាំងឡើង, ក្នុងដើមទុនបង្កើតផលនិងធ្វើអាជិវកម្មរបស់សហគ្រាសកើនឡើងនិងបញ្ហាខ្វះសមត្ថភាពច្នៃប្រឌិតបង្កើតថ្មីស្ថិតមានដំណាលគ្នា, ទំនាស់រវាងល្បឿនកំណើនចំណូលហិរញ្ញវត្ថុបង្អង់ល្បឿននិងការចំណាយដ៏ចាំបាច់របស់រដ្ឋាភិបាលកើនឡើងមានភាបលេចធ្លោ, ក្នុងវិស័យហិរញ្ញវត្ថុស្ថិតមានគ្រោះថ្នាក់កប់, រចនាសម្ព័ន្ធឧស្សាហកម្មមិនសមហេតុផល មូលដ្ឋានកសិកម្មនៅតែទន់ខ្សោយដដែល, ទំនាស់រវាងការវិវឌ្ឍន៍សេដ្ឋកិច្ចនិងបរិស្ថានធនធានមានភាពស្រួចស្រាវជារៀងរាល់ថ្ងៃ, គម្លាតអភិវឌ្ឍន៍រវាងទីក្រុង ជនបទនិងតំបន់ និងគម្លាតចាត់ចែងចំណូលប្រជាជនធំបង្គួរ, ទំនាស់ក្នុងសង្គមបានកាន់ឡើងយ៉ាងច្បាស់លាស់ បញ្ហាដែលទាក់ទិននឹងផលប្រយោជន៍ផ្ទាល់ខ្លួនរបស់មហាជនដូចជាការអប់រំ ការរកការងារធ្វើ សង្គងធានា ការព្យាបាលរោគ លំនៅដ្ឋាន បរិស្ថាននិងបរិវេណ សន្តិសុខខាងឳសថនិងគ្រឿងបរិភោគ ការបង្កើតផលដោយសុវត្តិភាព និងការគ្រប់គ្រងសន្តិសុខសង្គមនៅមានមិនតិចទេ ជីវភាពរស់នៅរបស់មហាជនមួយចំនួនមានការលំបាក, ឳបសគ្គដែលរឹតរួតយន្តការប្រព័ន្ធនៃការអភិវឌ្ឍន៍តាមវិទ្យាសាស្ត្រមានច្រើនបង្គួរ,ការផ្លាស់មុខងាររដ្ឋាភិបាលធ្វើមិនបានល្អ បាតុភូតពុករលួយក្នុងវិស័យខ្លះងាយកើតមានច្រើន។ បញ្ហាទាំងនេះ មានខ្លះគឺបន្សល់ទុកតាំងពីយូរយាណាស់មកហើយ មានខ្លះគឺបានលេចចេញក្នុងដំណើរអភិវឌ្ឍន៍សេដ្ឋកិច្ចនិងសង្គម មានខ្លះគឺបណ្តាលមកពីគុណវិបត្តិនិងការខ្វះខាតក្នុងការងាររដ្ឋាភិបាល។ យើងត្រូវតែមានស្មារតីទទួលខុសត្រូវកំរិតខ្ពស់ចំពោះប្រទេសជាតិនិងប្រជាជន កាន់តែខិតខំប្រឹងប្រែងធ្វើការងារឲ្យបានល្អ បង្កើនល្បឿនដោះស្រាយបញ្ហាទាំងនេះ មិនល្មើសនឹងបំណងរបស់ប្រជាជនយ៉ាងដាច់ខាត!
ខ.ការទាមទារជាទូទៅ គោលដៅសំខាន់ដែលកំណត់ទុកជាមុន និងគោលនយោបាយសេដ្ឋកិច្ចម៉ាក្រូនៃការអភិវឌ្ឍន៍សេដ្ឋកិច្ចនិងសង្គមក្នុងឆ្នាំនេះ
ការអភិវឌ្ឍន៍នៃប្រទេសយើងនៅស្ថិតក្នុងអំឡុងពេលឱកាសយុទ្ធសាស្ត្រសំខាន់ដែលអាចទទួលបានលទ្ធផលធំច្រើន ការវិវឌ្ឍន៍នៃសង្គមសេដ្ឋកិច្ចមានលក្ខណៈសម្បត្តិមានប្រយោជន៍និងកត្តារសកម្មជាច្រើន ហើយក៏ប្រឈមមុខនឹងគ្រោះថ្នាក់និងការសាកល្បងជាច្រើនដែរ ។ ការរំខានស្រទាប់ជ្រៅនៃវិបត្តិហិរញ្ញវត្ថុអន្តរជាតិបានធ្លាយចេញជាបន្តបន្ទាប់ ការងើបឡើងវិញនៃសេដ្ឋកិច្ចពិភពលោកគឺពោរពេញទៅដោយភាពមិនជាក់ស្តែងនិងភាពមិននឹងនរ។ យើងត្រូវមើលដល់វិស័យសកម្មរបស់ស្ថានការណ៍ផង លើកទឹកចិត្តឲ្យមានជំនឿចិត្តយ៉ាងម៉ឺងម៉ាត់ ហើយក៏ត្រូវឃើញភាពស្មុគស្មាញនៃស្ថានការណ៍ ដើម្បីបង្កើនស្មារតីព្រួយបារម្ភនិងអារម្មណ៍ជាបន្ទាន់ឧស្សាហ៍ព្យាយាមធ្វើការងារឲ្យបានល្អយ៉ាងប្រាកដប្រជា ។
តម្រូវការជាទូទៅនៃការងារឆ្នាំនេះគឺ៖ យកការលើកកម្ពស់គុណភាពនិងប្រសិទ្ធភាពនៃការបង្កើនសេដ្ឋកិច្ចជាស្នូល បង្កើនការកែទម្រង់និងបើកចំហឲ្យកាន់តែស៊ីជម្រៅ អនុវត្តយុទ្ធសាស្ត្រដំណើរការខាងច្នៃប្រឌិតថ្មី ជំរុញដោយសព្វមុខនូវការកសាងខាងសេដ្ឋកិច្ចសង្គមនិយម នយោបាយ វប្បធម៌ សង្គមកិច្ច និងអរិយធម៌បរិស្ថាន ដើម្បីធ្វើឲ្យសេដ្ឋកិច្ចសម្រេចការអភិវឌ្ឍន៍ដ៏ល្អបរិសុទ្ធនិងមាននិរន្តរភាព ព្រមនិងសង្គមចុះសម្រុងនិងនឹងនរ ។
គោលដៅព្យាករណ៍ជាសំខាន់នៃការអភិវឌ្ឍន៍សេដ្ឋកិច្ចសង្គមសម្រាប់ឆ្នាំនេះគឺ៖ បរិមាណផលិតផលសរុបក្នុងស្រុកកើនឡើងប្រហែល ៧.៥% លក្ខណៈសម្របសម្រួលនៃការអភិវឌ្ឍន៍បង្កើនឡើងថែមមួយកម្រិតទៀត កម្រិតតម្លៃចំណាយឡើងថ្លៃរបស់ប្រជាជនប្រហែល ៣.៥% ក្នុងក្រុងនិងស្រុកបង្កើនឱកាសមានការងារធ្វើដល់ចំនួនមនុស្សជាង ៩ លាននាក់ អត្រាបាត់អាជីពដែលមានចុះបញ្ជីក្នុងក្រុងនិងស្រុកតិចជាង៤.៦% កំណើនជាក់លាក់នៃប្រាក់ចំណូលប្រជាជនក្នុងក្រុងនិងជនបទគិតជាមធ្យមតាមដាននឹងកំណើនសេដ្ឋកិច្ច កំណើនបៀវត្សរ៍ពលកម្មកើនឡើងជាមួយកំណើនអត្រាផលិតកម្មពលកម្ម សភាពការណ៍ចំណូលចំណាយអន្តរជាតិកែលម្អថែមមួយកម្រិត។
អំពីគោលដៅកំណើនសេដ្ឋកិច្ច។ ត្រូវបន្តក្តាប់ជាប់ឱកាស ដើម្បីជំរុញការអភិវឌ្ឍន៍ នេះម្យ៉ាងម្យ៉ាងទៀត ត្រូវធ្វើតាមការទាមទាររបស់ទស្សនៈអភិវឌ្ឍន៍ដោយវិទ្យាសាស្ត្រដោយជាក់ស្តែង ណែនាំឲ្យគ្រប់ផ្នែកចាត់ទុកការងារសំខាន់ទៅក្នុងការបង្កើនការផ្លាស់រូបភាពអភិវឌ្ឍន៍សេដ្ឋកិច្ចនិងកែសម្រួលរចនាសម្ព័ន្ធសេដ្ឋកិច្ច និងទៅលើការលើកកម្ពស់គុណភាពនិងប្រសិទ្ធផលនៃកំណើនសេដ្ឋកិច្ច ដើម្បីជំរុញឲ្យសេដ្ឋកិច្ចបន្តវិវឌ្ឍន៍បរិសុទ្ធ។ គិតពិចារណាគ្រប់វិស័យ ការដែលចាត់គោលដៅកំណើនសេដ្ឋកិច្ចឆ្នាំនេះប្រហែល ៧.៥% គឺជាការចាំបាច់និងសមរម្យ ការសម្រេចគោលដៅនេះគប្បីត្រូវខិតខំប្រឹងប្រែងដោយពុះពារការលំបាក ។
អំពីកម្រិតតម្លៃទំនិញសរុប។ ការរក្សាឲ្យកម្រិតម្លៃទំនិញសរុបឲ្យមានភាពនឹងនរជាមូលដ្ឋានគឺជាគោលដៅសំខាន់នៃការគ្រប់គ្រងម៉ាក្រូជាប់រហូត។ ការដែលគ្រប់គ្រងឲ្យកម្រិតតម្លៃចំណាយឡើងថ្លៃរបស់ប្រជាជនប្រហែល ៣.៥% គឺជាជម្រើសបន្ទាប់ពីបានគិតគូរពេញទំហឹងដល់កត្តារគ្រប់វិស័យ។ ត្រូវធានាជាក់លាក់ដល់ការផ្គត់ផ្គងវត្ថុទំនិញសំខាន់ ធ្វើឲ្យការដឹកជញ្ជូនកាន់តែស្រួល ចុះថ្លៃដើមទុននៃការដឹកជញ្ជូន បង្កើនការត្រួតពិនិត្យនិងគ្រប់គ្រងតម្លៃទីផ្សារ រក្សាឲ្យកម្រិតតម្លៃទំនិញសរុបឲ្យមានស្ថិរភាពជាមូលដ្ឋាន។
បន្តអនុវត្តគោលនយោបាយហិរញ្ញវត្ថុសកម្ម។ មួយគឺបង្កើនសមរម្យនូវឧនភាពហិរញ្ញវត្ថុនិងទ្រង់ទ្រាយលិខិតបំណូលរដ្ឋ ។ ឆ្នាំនេះនឹងរៀបចំឧនភាពហិរញ្ញវត្ថុចំនួន១ លាន ២ សែនលានយាន់ប្រាក់ចិន បានកើនឡើងចំនួន៤សែនលានយាន់ប្រាក់ចិនបើប្រៀបធៀបនឹងថវិកាក្នុងឆ្នាំទៅមិញ ក្នុងនោះ ឧនភាពហិរញ្ញវត្ថុមជ្ឈិមមានចំនួន៨ សែន៥ម៉ឺនលានយាន់ប្រាក់ចិន ជួយថ្នាក់ខេត្តនិងតំបន់លក់លិខិតបំណូលចំនួន ៣សែន ៥ ម៉ឺនលានយាន់ប្រាក់ចិន។
បន្ទាប់ពីបង្កើនឧនភាពឆ្នាំនេះ អត្រាឧនភាពមានប្រហែល ២% និយាយជាទូទៅបានថិតក្នុងកម្រិតសន្តិសុខ។ ទីពីរគឺរួមផ្សំកំណែទម្រង់របបពន្ធ កែសម្រួលគោលនយោបាយកាត់បន្ថយពន្ធមានលក្ខណៈរចនាសម្ព័ន្ធ ។ ចំណុចសំខាន់គឺបង្កើនល្បឿនជំរុញការងារពិសោធន៍ដែលធ្វើឲ្យពន្ធប្រកបអាជីវកម្មកែជាបងពន្ធបន្ថែមតម្លៃ ។ ទីបីគឺបង្កើនកម្លាំងកែលំអរចនាសម្ព័ន្ធចំណាយហិរញ្ញវត្ថុ ។ បន្តលំអៀងទៅវិស័យជីវភាពប្រជាជននិងវិស័យខ្សោយដូចជាការអប់រំ ឱសថ និងការព្យាបាលជំងឺ និងសង្គមធានាជាដើម គ្រប់គ្រងដោយម៉ឺងម៉ាត់ការចំណាយលក្ខណៈធម្មតាដូចជាសោហ៊ុយរដ្ឋបាលជាដើម ធ្វើបុព្វហេតុទាំងអស់ដោយសន្សំសំចៃ ។ទីបួនគឺបន្តបង្កើនការគ្រប់គ្រងខាងបំណូលលក្ខណៈរដ្ឋបាលតំបន់ ។
បន្តអនុវត្តគោលនយោបាយរូបិយវត្ថុយ៉ាងនឹងនរ ។ ទីមួយគឺបំពេញក្របខ័ណ្ឌគោលនយោបាយដោយម៉ាក្រូនិងមធ្យ័ត ដើរតួនាទីសម្របសម្រួលមួយរយៈពេលនៃគោលនយោបាយរូបិយវត្ថុ ។ គោលដៅកំណើនប៉ាន់ប្រមាណនៃរូបិយវត្ថុM2កំណត់ជាប្រហែល ១៣% ។ ទីពីរ គឺជំរុញធនធានហិរញ្ញវត្ថុចាត់ចែងដោយល្អ ។ ណែនាំអង្គការហិរញ្ញវត្ថុបង្កើនការគាំទ្រខាងហិរញ្ញវត្ថុចំពោះការកែសម្រួលរចនាសម្ព័ន្ធសេដ្ឋកិច្ច ជាពិសេសគឺ"កសិកម្ម ជនបទ និងកសិករ" សហគ្រាសតូចនិងមីក្រូ និងឧស្សាហកម្មថ្មីយុទ្ធសាស្ត្រជាដើម ។ ត្រួសត្រាយផ្លូវរួមទុននៃសេដ្ឋកិច្ចជាក់ស្តែង បញ្ចុះតម្លៃដើមទុននៃការរួមទុនសេដ្ឋកិច្ចជាក់ស្តែង ។ ទីបីគឺការពារកម្រិតទាបបំផុតបានដែលមិនកើតគ្រោះថ្នាក់ហិរញ្ញវត្ថុមានលក្ខណៈប្រព័ន្ធនិងតំបន់ ។
គ.សំណើចំពោះការងាររដ្ឋាភិបាលឆ្នាំនេះ
(១) បង្កើនល្បឿនប្រែប្រួលរូបភាពអភិវឌ្ឍន៍សេដ្ឋកិច្ច ជំរុញសេដ្ឋកិច្ចអភិវឌ្ឍន៍ដោយមាននិរន្តរភាពនិងបរិសុទ្ធ ។ ស្នាដៃទាំងអស់ដែលការកសាងទំនើបភាវូបនីយកម្មសង្គមនិយមប្រទេសចិនបានទទួល សុទ្ធតែបងើ្កតលើមូលដ្ឋានដែលសេដ្ឋកិច្ចអភិវឌ្ឍន៍ដ៏ល្អបរិសុទ្ធជានិរន្តរភាព សេដ្ឋកិច្ចមិនអភិវឌ្ឍន៍ អ្វីក៏មិនអាចធ្វើបាន ។ សភាពការណ៍ជាតិចិនជាមូលដ្ឋានគ្មានការកែប្រែ គឺប្រទេសចិននៅតែថិតក្នុងដំណាក់កាលដំបូងនៃសង្គមនិយមពេលយូរ ការខ្្វែងទំនាស់សង្គមដ៏សំខាន់ដែលជាទំនាស់រវាងសេចក្តីត្រូវការខាងសម្ភារៈនិងវប្បធម៌នៃប្រជាជនដែលកំពុងកើនឡើងជារៀងរាល់ថ្ងៃនិងការផលិតក្នុងសង្គមយ៉ាងអន់ថយគ្មានការកែប្រែ ឋានៈអន្តរជាតិរបស់ប្រទេសចិនគ្មានការកែប្រែ គឺប្រទេសចិនជាប្រទេសកំពុងអភិវឌ្ឍន៍ធំបំផុតលើពិភពលោក ការអភិវឌ្ឍន៍នៅតែជាគន្លឹះក្នុងការដោះស្រាយបញ្ហាទាំងអស់នៃប្រទេសចិន។ យើងត្រូវតែប្រកាន់ខ្ជាប់ការយកការកសាងសេដ្ឋកិច្ចជាស្នូល ប្រមូលផ្តុំស្មារតីបង្កើនការកសាង ចិត្តមួយថ្លើមមួយស្វែងរកការអភិវឌ្ឍន៍ ។
យើងត្រូវតែប្រកាន់ខ្ជាប់យ៉ាងម៉ឺងម៉ាត់មិនងាករេនូវការពង្រីកធំសេចក្តីត្រូវការក្នុងស្រុកជាគោលលំនាំយុទ្ធសាស្ត្រក្នុងពេលយូរសម្រាប់អភិវឌ្ឍន៍សេដ្ឋកិច្ច ដើរតួនាទីយ៉ាងល្អពេញលេញនូវតួនាទីជាមូលដ្ឋាននៃការចំណាយនិងតួនាទីជាគន្លឹះនៃការវិនិយោគទុន ។ ត្រូវតែបន្ធូរថែមមួយកម្រិតទៀតនូវការអនុញ្ញតិឲ្យប្រាក់ស៊ីវិលចូលរួមក្នុងទីផ្សារវិនិយោគ បំផុសកម្លាំងរស់រវើកនៃការវិនិយោគស៊ីវិល ។
ត្រូវតែខំប្រឹងប្រែងជំរុញការកែប្រែរូបភាពអភិវឌ្ឍន៍សេដ្ឋកិច្ច បង្កើនល្បឿនការកែសម្រួលរចនាសម្ព័ន្ធខាងឧស្សាហកម្ម ។ ត្រូវតែបង្កើនល្បឿនកែច្នៃនិងលើកកម្ពស់ឧស្សាហកម្មប្រពៃណី ខំប្រឹងប្រែងអភិវឌ្ឍន៍ឧស្សាហកម្មបច្ចេកទេសខ្ពស់ថ្មី លើកកម្ពស់គុណភាពផលិតផលនិងកម្លាំងប្រកួតប្រជែងក្នុងទីផ្សារ ។
ត្រូវតែធ្វើតាមសេចក្តីសង្ឃឹមរបស់មហាជនចំពោះបរិស្ថាននៃជីវភាពរស់នៅដ៏ល្អបវរ ខំប្រឹងប្រែងបង្កើនការកសាងអរិយធម៍បរិស្ថាននិងការការពារបរិស្ថាន ។ បរិស្ថានទាក់ទិនដល់សុភមង្គលប្រជាជន ពាក់ព័ន្ធកូនចៅជំនាន់ក្រោយនិងអនាគតនៃប្រទេសជាតិ។ដូច្នេះត្រូវតែប្រកាន់ខ្ជាប់គោលនយោបាយជាមូលដ្ឋានដែលសន្សំសំចៃថាមពលនិងការពារបរិស្ថាន ខំប្រឹងប្រែងជំរុញការអភិវឌ្ឍន៍បៃតង ការអភិវឌ្ឍន៍ជានិរន្តរភាពនិងការអភិវឌ្ឍន៍កាបូនិកទាប ចាត់វិធានការយ៉ាងជាក់ស្តែងដើម្បីបង្ការនិងគ្រប់គ្រងការបំពុល ជំរុញការកែប្រែរូបភាពផលិតនិងរូបភាពជីវភាពរស់នៅ ប្តេជ្ញាចិត្តដោះស្រាយឲ្យបានល្អនូវបញ្ហាបំពុលបរិស្ថានយ៉ាងលេចធ្លោដែលទាក់ទងនឹងផលប្រយោជន៍ដោយផ្ទាល់របស់ប្រជាជន ដូចជាអាកាសធាតុ ទឹកនិងដីជាដើម កែលំអគុណភាពបរិស្ថាន គាំពារសុខភាពប្រជាជន ចាត់ប្រតិបត្តិការយ៉ាងជាក់ស្តែងដើម្បីឲ្យប្រជាជនមានសេចក្តីសង្ឃឹមចំពោះការនេះ ។
ត្រូវតែបន្តអនុវត្តយុទ្ធសាស្ត្រជាទូទៅនៃការអភិវឌ្ឍន៍តំបន់ឲ្យបានកាន់តែស៊ីជម្រៅ ជំរុញឲ្យសេដ្ឋកិច្ចតំបន់អភិវឌ្ឍន៍ដោយស៊ីសង្វាក់គ្នា ។
(២) បង្កើនមូលដ្ឋានអភិវឌ្ឍន៍កសិកម្មនិងជនបទ ជំរុញឯកភាវូបនីយកម្មអភិវឌ្ឍន៍នៃទីក្រុងនិងជនបទ ។ ក្នុងរយៈពេលប៉ុន្មានឆ្នាំកន្លងទៅនេះ ជារយៈកាលដែលកសិកម្មចិនទទួលបានការអភិវឌ្ឍន៍លឿនបំផុត មុខមាត់ជនបទមានការប្រែប្រួលធំបំផុត ហើយកសិករទទួលបានផលប្រយោជន៍ច្រើនបំផុត ។ ពេលបច្ចុប្បន្ននេះ បញ្ហាលំបាកយ៉ាងសំខាន់ក្នុងការកសាងសង្គមដ៏ធូរល្មមដោយគ្រប់ជ្រុងជ្រោយនៅតែនៅជនបទ ត្រូវតែប្រកាន់ខ្ជាប់ការដោះស្រាយឲ្យបានល្អនូវបញ្ហាកសិកម្ម ជនបទនិងកសិករ ជាបញ្ហាសំខាន់បំផុតក្នុងការងារទាំងអស់ នេះជាការបូកសរុបវិទ្យាសាស្ត្រនៃបទពិសោធន៍ប្រវត្តិសាស្រ្ត ជាគំនិតណែនាំដ៏យូរអង្វែង ។ របបដីធ្លីជនបទមានការទាក់ទិននឹងស្ថិរភាពជាមូលដ្ឋាននៃជនបទ ហើយក៏មានទាក់ទិននឹងការអភិវឌ្ឍន៍ដ៏យូរអង្វែងនៃប្រទេសចិនផងដែរ បញ្ហាជាស្នូលគឺការធានាសិទ្ធិនិងផលប្រយោជន៍ខាងទ្រពសម្បត្តិនៃកសិករ ខ្សែមិនអាចថមថយនោះគឺការពារយ៉ាងតឹងរឹងនូវដីស្រែ ១រយ ២០ លានហិកតា។ត្រូវតែបន្តបង្កើនការចុះទុនខាងកសិកម្ម ជនបទនិងកសិករ បង្កើនការកសាងហេដ្ឋារចនាសម្ព័ន្ធជនបទនិងការកសាងប្រព័ន្ធសេវាកម្មជាមូលដ្ឋាន ជំរុញឯកភាវូបនីយកម្មអភិវឌ្ឍន៍ទីក្រុងនិងជនបទ លំនឹងក្រុមផលិតនិងធ្វើអាជីវកម្មខាងកសិកម្ម សកម្មបណ្តុះបណ្តាលកសិករធុនថ្មី ។
នគរូបនីយកម្មមានការទាក់ទិនយ៉ាងជិតស្និទ្ធជាមួយនឹងទំនើបភាវូបនីយកម្មខាងកសិកម្ម ត្រូវតែគោរពក្បួនសត្យានុម័តនគរូបនីយកម្ម សកម្មជំរុញការអភិវឌ្ឍន៍នគរូបនីយកម្មយ៉ាងស្អាតស្អំ ។
(៣) ចាត់ទុកការធានានិងកែលំអជីវភាពរស់នៅជាចំណុចសំខាន់ លើកកម្ពស់ដោយគ្រប់ជ្រុងជ្រោយនូវកម្រិតជីវភាពរស់នៅខាងសម្ភារៈនិងវប្បធម៌នៃប្រជាជន។ បន្ទាប់ពីការខំប្រឹងប្រែងឥតស្រាក់ស្រាន្ត លក្ខណៈស៊ីសង្វាក់គ្នានៃការអភិវឌ្ឍន៍សង្គមសេដ្ឋកិច្ចចិនបានត្រូវបង្កើនឡើងយ៉ាងច្បាស់លាស់។ ពេលបច្ចុប្បន្ននេះ រចនាសម្ព័ន្ធនៃសង្គម រូបភាពនៃការចាត់តាំងសង្គមនិងរចនាសម្ព័ន្ធផលប្រយោជន៍នៃសង្គមមានការប្រែប្រួលយ៉ាងជ្រាលជ្រៅ ទំនាស់ក្នុងសង្គមបានកើនឡើងយ៉ាងច្បាស់លាស់ ។ យើងត្រូវតែចាត់ទុកការធានានិងកែលំអជីវភាពរស់នៅរបស់ប្រជាជនជាទីចាប់ផ្តើមនិងជាចំណុចចុងបំផុតនៃការងារទាំងអស់របស់រដ្ឋាភិបាល ត្រូវទុកក្នុងកន្លែងកាន់តែលេចធ្លោនិងប្រឹងប្រែងបង្កើនការកសាងសង្គម ។
ត្រូវតែខំស្វែងរកគ្រប់មធ្យោបាយដើម្បីឲ្យមនុស្សកាន់តែច្រើនមានការងារធ្វើ ។
ត្រូវតែខំធ្វើឲ្យល្អពេញលេញនូវរបបសង្គមធានា ។
ត្រូវតែធ្វើឲ្យកាន់តែស៊ីជម្រៅនូវកំណែទម្រង់និងការអភិវឌ្ឍន៍កិច្ចការព្យាលបាលរោគ ថ្នាំឱសថនិងសុខាភិបាល។
ត្រូវតែធ្វើឲ្យល្អពេញលេញជាបណ្តើរៗនូវនយោបាយបណ្តាជន ។ ប្រកាន់ខ្ជាប់គោលនយោបាយរដ្ឋជាមូលដ្ឋានអំពីការសម្រាលកូនតាមផែនការ ដើម្បីសមស្របនឹងនិន្នាការប្រែប្រួលនៃចំនួនសរុបនិងរចនាសម្ព័ន្ធនៃបណ្តាជនរបស់ប្រទេសចិន ដោះស្រាយឲ្យបានល្អនូវបញ្ហាចំនួន គុណភាព រចនាសម្ព័ន្ធនិងការរៀបតាំងនៃបណ្តាជន ជំរុញឲ្យបណ្តាជនមានការអភិវឌ្ឍន៍ដោយតុល្យភាពក្នុងពេលយូរអង្វេង ។
ត្រូវបង្កើននិងច្នៃប្រឌិតថ្មីនូវការគ្រប់គ្រងសង្គម ។ កែលំអរូបភាពផ្តល់សេវាសាធារណៈនៃរដ្ឋាភិបាល បង្កើនការគ្រប់គ្រងសង្គមមូលដ្ឋាននិងការកសាងប្រព័ន្ធសេវាកម្ម ធ្វើឲ្យល្អពេញលេញនូវរបបអ្នកស្រុកនិងអ្នកក្រុងគ្រប់គ្រងខ្លួនដោយខ្លួនឯង ដើម្បីធានាឲ្យប្រជាជនអនុវត្តសិទ្ធិប្រជាធិបតេយ្យដោយផ្ទាល់តាមច្បាប់ គ្រប់គ្រងកិច្ចការសាធារណៈមូលដ្ឋាននិងកិច្ចការផលប្រយោជន៍សាធារណៈ ។
សន្តិសុខខាងស្បៀងអាហារនិងថ្នាំឱសថជាបញ្ហាលេចធ្លោដែលអ្នកផងចាប់អារម្មណ៍ ត្រូវតែកែទម្រង់និងធ្វើឲ្យល្អពេញលេញនូវប្រព័ន្ធត្រួតពិនិត្យនិងគ្រប់គ្រងសន្តិសុខខាងស្បៀងអាហារនិងថ្នាំឱសថ អនុវត្តជាក់ស្តែងដែលសហគ្រាសទទួលខុសត្រូវជាសំខាន់ ត្រួតពិនិត្យនិងគ្រប់គ្រងយ៉ាងតឹងរឹងពីប្រភពដើមផលិតដល់ការចំណាយ បង្កើនល្បឿនកកើតប្រព័ន្ធសន្តិសុខស្បៀងអាហារនិងថ្នាំឱសថតាមវិទ្យាសាស្ត្រនិងសមហេតុផលដែលសមស្របនឹងសភាពការណ៍ជាតិ លើកកម្ពស់កម្រិតធានាសន្តិសុខស្បៀងអាហារនិងថ្នាំឱសថ ។ ត្រូវពង្រឹងប្រព័ន្ធសន្តិសុខសាធារណៈនិងការកសាងមូលដ្ឋានផលិតដោយមានសន្តិសុខនៃសហគ្រាស ទប់ស្កាត់កុំឲ្យកើតឧប្បត្តិហេតុសន្តិសុខដ៏ធ្ងន់ធ្ងរ ។
ត្រូវបង្កើនការកែសម្រួលនិងគ្រប់គ្រងទីផ្សារអសង្ហារិមនិងការកសាងវស្វកម្មផ្ទះសម្បែងមានលក្ខណៈធានា ។ ធ្វើឲ្យប្រជាជនស្នាក់នៅក្នុងផ្ទះអាចទុកចិត្តនិងពេញចិត្តបាន ។ ឆ្នាំនេះ នឹងកសាងជាមូលដ្ឋាននូវផ្ទះសម្បែងមានលក្ខណៈធានាក្នុងទីក្រុងនិងផ្សារឃុំចំនួន៤លាន៧សែនសម្រាប់ ហើយចាប់ផ្តើមកសាងចំនួន៦លាន៣សែនសម្រាប់ ។
ការអប់រំនិងបច្ចេកវិទ្យាមានតួនាទីជាលក្ខណៈមូលដ្ឋាន លក្ខណៈណែនាំនិងលក្ខណៈទូទៅក្នុងការកសាងទំនើបភាវូបនីយកម្ម វប្បធម៌ជាឈាមនៃជនជាតិនិងជាផ្ទះស្មារតីរបស់ប្រជាជន ត្រូវតែចាត់ទុកក្នុងឋានៈយុទ្ធសាស្ត្រកាន់តែសំខាន់ ។
ត្រូវខំប្រឹងប្រែងបង្កើនការអប់រំខាងសុជីវធម៌ក្នុងសង្គម អាជីព គ្រួសារនិងបុគ្គិល ។ជំរុញការកសាងប្រព័ន្ធជឿទុកចិត្តនិងស្មោះចិត្ត យកការជឿទុកចិត្តខាងកិច្ចការរដ្ឋបាលទៅជំរុញការជឿទុកចិត្តខាងពាណិជ្ជកម្មនិងក្នុងសង្គម ដើម្បីកកើតស្មារតីសង្គមដ៏ល្អ ។
(៤)ជំរុញកំណែទម្រង់និងការបើកចំហដោយភាពក្លាហាននិងប្រាជ្ញាខាងនយោបាយកាន់តែធំ។ កំណែទម្រង់និងការបើកចំហជាមេកម្លាំងមូលដ្ឋានសម្រាប់វឌ្ឍនភាពនៃការអភិវឌ្ឍន៍ប្រទេសចិន ។ កំណែទម្រង់នៃប្រទេសចិនបានឈានចូលក្នុងដំណាក់កាលសំខាន់បំផុត ត្រូវតែរំដោះគំនិតថែមមួយកម្រិតទៀត ជំរុញដោយគ្រប់ជ្រុងជ្រោយនូវកំណែទម្រង់ក្នុងវិស័យសេដ្ឋកិច្ច នយោបាយ វប្បធម៌ និងសង្គមជាដើម ធ្វើឲ្យកំណែទម្រង់កាន់តែស៊ីជម្រៅឥតឈប់ឈរ។
ត្រូវធ្វើឲ្យល្អពេញលេញនូវរបបសេដ្ឋកិច្ចទីផ្សារសង្គមនិយមថែមមួយកម្រិតទៀត ។ ពង្រឹងនិងពង្រីកយ៉ាកម៉ឺងម៉ាត់មិនងាករេនូវសេដ្ឋកិច្ចកម្មសិទ្ធិរដ្ឋ លើកទឹកចិត្ត គាំទ្រនិងណែនាំយ៉ាងម៉ឺងម៉ាត់មិនងាករេនូវការអភិវឌ្ឍន៍សេដ្ឋកិច្ចមិនមែនកម្មសិទ្ធិរដ្ឋ ដើម្បីកកើតបរិស្ថានរបបដែលសេដ្ឋកិច្ចកម្មសិទ្ធិរដ្ឋនិងមិនមែនកម្មសិទ្ធិរដ្ឋប្រើប្រាស់សម្ភារៈផលិតដោយស្មើគ្នា ចូលរួមការប្រកួតប្រជែងទីផ្សារដោយស្មើភាព ហើយទទួលការការពារខាងច្បាប់ដូចគ្នា ។ ត្រូវបង្កើនកំណែទម្រង់របបហូតពន្ធ ធ្វើឲ្យទំនាក់ទំនងខាងហិរញ្ញវត្ថុនិងកិច្ចការនានារវាងមជ្ឈិមនិងតំបន់ស៊ីសង្វាក់គ្នា ជំរុញឲ្យកកើតរបបហូតពន្ធដែលអនុគ្រោះដល់ការកែលំអរចនាសម្ព័ន្ធនិងស្មើភាពក្នុងសង្គម ។ ត្រូវធ្វើឲ្យកាន់តែស៊ីជម្រៅថែមទៀតនូវកំណែទម្រង់ខាងប្រព័ន្ធហិរញ្ញវត្ថុ ធ្វើឲ្យល្អពេញលេញនូវប្រព័ន្ធហិរញ្ញវត្ថុទំនើបដែលអាចជំរុញការអភិវឌ្ឍន៍តួអង្គសេដ្ឋកិច្ច ជំរុញយ៉ាងនឹងនរនូវកំណែទម្រង់ឲ្យចូលទីផ្សារអត្រាការបា្រក់និងអត្រាការប្តូរប្រាក់ ពង្រីកធំនូវការប្រើប្រាស់ប្រាក់យាន់ចិនដោយឆ្លងដែន សម្រេចជាបណ្តើរៗនូវការអាចប្តូរនៃកម្មវិធីមូលទុនប្រាក់យាន់ចិន ធ្វើឲ្យកាន់តែស៊ីជម្រៅនូវកំណែទម្រង់ប្រព័ន្ធវិនិយោគទុននិងការបញ្ជូលទុន ជំរុញកំណែទម្រង់ខាងតម្លៃទំនិញ ធ្វើឲ្យល្អពេញលេញនូវយន្តការកកើតតម្លៃផលិតផលមានលក្ខណៈធនធាន ។ របបចាត់ចែងប្រាក់ចំណូលជារបបមានលក្ខណៈមូលដ្ឋានមួយក្នុងការអភិវឌ្ឍន៍សង្គមសេដ្ឋកិច្ច ជាគ្រឹះសំខាន់នៃរបបសេដ្ឋកិច្ចទីផ្សារសង្គមនិយម ។ យើងបានគ្រោងមតិមួយចំនួនដើម្បីធ្វើឲ្យកាន់តែស៊ីជម្រៅនូវកំណែទម្រង់ខាងរបបចាត់ចែកប្រាក់ចំណូល ត្រូវតែក្តាប់ពេលដើម្បីស្រាវជ្រាវកំណត់នយោបាយយ៉ាងជាក់ស្តែង ដោះស្រាយដោយមានប្រសិទ្ធភាពនូវបញ្ហាដែលមានក្នុងវិស័យការចាត់ចែងប្រាក់ចំណូល បង្រួញតូចគម្លាតខាងការចាត់ចែងប្រាក់ចំណូល ធ្វើឲ្យលទ្ធផលនៃការអភិវឌ្ឍន៍អាចផ្តល់ផលប្រយោជន៍កាន់តែច្រើននិងស្មើគ្នាដល់ប្រជាជនទាំងអស់។
ត្រូវតែជំរុញការកសាងការគ្រប់គ្រងតាមច្បាប់ប្រជាធិបតេយ្យសង្គមនិយម ។ អភិវឌ្ឍន៍ប្រជាធិបតេយ្យប្រជាជនដែលកាន់តែទូលំទូលាយ និងកាន់តែល្អពេញលេញ ដើម្បីធានាឲ្យប្រជាជនទទួលបានសិទ្ធិប្រយោជន៍និងសេរីភាពយ៉ាងទូលំទូលាយតាមច្បាប់ ជំរុញឲ្យមនុស្សទទួលបានការអភិវឌ្ឍន៍គ្រប់ជ្រុងជ្រោយ ។ ប្រកាន់ខ្ជាប់ការគ្រប់គ្រងតាមច្បាប់ គោរពរដ្ឋធម្មនុញ្ញនិងកិត្យានុភាពនៃច្បាប់ ធានាជាក់លាក់ឲ្យស្ថាប័នរដ្ឋបាលជាតិអាចអនុវត្តសិទ្ធិតាមការកំណត់និងរបៀបរៀបរយនៃច្បាប់ ។ ប្រកាន់ខ្ជាប់នូវការកែប្រែមុខងាររបស់រដ្ឋាភិបាល បង្កើតរដ្ឋាភិបាលធុនសេវាកម្មដែលមានមុខងារវិទ្យាសាស្ត្រ រចនាសម្ព័ន្ធល្អ ចរិយាសម្បត្តិស្អាតស្អំនិងមានប្រសិទ្ធភាពខ្ពស់ព្រមនិងធ្វើឲ្យប្រជាជនពេញចិត្តបាន ប្រឆាំងការខ្ជះខ្ជាយ ពុះពាររូបភាពនិយមនិងនាម៉ឺននិយម។ធ្វើឲ្យប្រជាជនត្រួតពិនិត្យសិទ្ធិអំណាច ធ្វើឲ្យសិទ្ធិអំណាចដំណើរក្រោមរស្មីព្រះអាទិត្យ ។ ប្រកាន់ខ្ជាប់ប្រឆាំងនឹងអំពើពុករលួយ បង្កើនការកសាងនយោបាយស្អាតស្អំ កែប្រែពីលើរបបនៃសភាពការណ៍ដែលសិទ្ធិអំណាចប្រមូលផ្តុំហួសពេកតែគ្មានការរឹតរួតធ្វើឲ្យកម្មាភិបាលមានភាពបរិសុទ្ធ រដ្ឋាភិបាលមានភាពស្អាតស្អំ នយោបាយមានភាពជាក់ច្បាស់ ។
ត្រូវប្រកាន់ខ្ជាប់គោលនយោបាយរដ្ឋជាមូលដ្ឋានដែលបើកចំហចំពោះក្រៅប្រទេស អនុវត្តយុទ្ធសាស្ត្របើកចំហកាន់តែសកម្មនិងម្ចាស់ការ ។ប្រកាន់ខ្ជាប់ការរួមផ្សំគ្នាការលំនឹងការនាំចេញនិងពង្រីកការនាំចូល ជំរុញពាណិជ្ជកម្មចំពោះក្រៅប្រទេសប្រែប្រួលពីការពង្រីកទ្រង់ទ្រាយទៅការលើកកម្ពស់គុណភាពនិងប្រសិទ្ធផល ប្រែប្រួលពីការមានប្រៀបខាងដើមទុនិងតម្លៃទំនិញទៅជាការមានប្រៀបខាងការប្រកួតប្រជែងចម្រុះ ជំរុញបង្កើតការមានប្រៀបថ្មីនៃការប្រកួតនាំចេញ ដែលមានបច្ចេកទេស ម៉ាក គុណភាព និងសេវាជាស្នូល ។ប្រកាន់ខ្ជាប់រួមផ្សំការបើកចំហចំពោះប្រទេសអភិវឌ្ឍន៍និងការបើកចំហចំពោះប្រទេសកំពុងអភិវឌ្ឍន៍ ពង្រីកធំនិងធ្វើឲ្យស៊ីជម្រៅនូវចំណុចផ្សំជាមួយនឹងផលប្រយោជន៍គ្រប់ភាគី ។
តំណាងគ្រប់រូប !
យើងត្រូវបន្តលើកជ្រោងទង់សន្តិភាព អភិវឌ្ឍន៍ កិច្ចសហប្រតិបត្តិការ និងឈ្នះឈ្នះដូចគ្នា ដើរតាមផ្លូវសន្តិភាពនិងអភិវឌ្ឍន៍ជានិច្ចកាល ប្រកាន់ខ្ជាប់គោលនយោបាយទូតសន្តិភាពដោយឯករាជ្យម្ចាស់ការ ជំរុញឲ្យពិភពលោកមានសន្តិភាពជាស្ថាពរនិងភាពរុងរឿងរួម ។
តំណាងគ្រប់រូប !
រំលឹកអតីតកាល យើងបានបង្កើតប្រសិទ្ធផលមិនធម្មតាលើផ្លូវសង្គមនិយមដែលលក្ខណៈពិសេសប្រទេសចិន ។ សម្លឹងមើលអនាគត មាតុប្រទេសដ៏មហិមាបានបង្ហាញអនាគតភ្លឺស្វាងដែលមិនធ្លាប់មានកាលពីមុន ។ សូមយើងក្រោមការដឹកនាំពីមជ្ឈិមបក្សកុម្មុយនិស្តចិន ដែលមានលោកXi Jinping ជាអគ្គលេខាធិការ សាមគ្គីគ្នាជាធ្លុងមួយ ខំប្រឹងប្រែងតស៊ូដើម្បីបង្កើតបានទាំងស្រុងនូវសង្គមធូរធារ សម្រេចការរីកចម្រើនមហស្ចារ្យនៃប្រជាជាតិចិន!៕(ចប់)